مقامهای امنیتی تاجیکستان اعلام کردهاند که در پی یک درگیری مسلحانه در نوار مرزی این کشور با افغانستان سه قاچاقچی انسان کشته شده است.
بهگفتهی کمیته امنیت ملی تاجیکستان، این رویداد شام پنجشنبه، ۹ دلو در منطقهی «بهارک» از مربوطات ولسوالی شمسالدین شاهین ولایت ختلان رخ داده است.
بر اساس معلومات منتشرشده، پنج فرد مسلح از خاک افغانستان وارد قلمرو تاجیکستان شده بودند، اما پس از روبهرو شدن با مرزبانان، از تسلیمشدن خودداری کرده و دست به مقاومت مسلحانه زدند. این افراد سپس تلاش کردند از محل درگیری دوباره به افغانستان بازگردند.
کمیته امنیت ملی تاجیکستان افزوده است که در جریان این درگیری، سه تن از باشندگان ولسوالی چاهآب ولایت تخار افغانستان کشته شدهاند و دو نفر دیگر با استفاده از تاریکی شب موفق به فرار شدهاند.
این درحالیست که پیمان امنیت جمعی اعلام کرده است برای تامین امنیت تاجیکستان تجهیزات نظامی پیشرفته در اختیار این کشور قرار خواهد گرفت.
خبرگزاری شهروند