وزرات خارجه حمله پهپادی در ختلان تاجیکستان را محکوم کرد

وزارت امور خارجه حمله پهپادی روز پنج‌شنبه (۶ قوس ۱۴۰۴) بر سه کارمند چینی یک شرکت در ولایت ختلان تاجیکستان که منجر به کشته شدن آنان شد، به شدت محکوم کرد و با دولت و مردم چین و تاجیکستان ابراز همدردی نمود.

در اعلامیه وزارت خارجه آمده است که این حمله توسط گروه‌هایی انجام شده که هدف‌شان ایجاد بی‌ثباتی و بی‌اعتمادی میان کشورهای منطقه است.

این وزارت همچنین به حکومت تاجیکستان اطمینان داد که برای شناسایی عاملان اصلی این حادثه، همکاری و تبادل اطلاعات کامل دارد و آماده انجام ارزیابی‌های مشترک است.

در همین حال وزارت خارجه چین با صدور اعلامیه ای از کارمندان چینی خواسته است که تمام معادن نزدیک به مرز افغانستان و تاجیکستان را ترک کنند.