چین با صدور یک هشدار فوری، به شهروندان و شرکت‌های چینی فعال در معادن نزدیک مرز افغانستان و تاجیکستان دستور داده است که فوراً این مناطق را ترک کنند.
این اقدام پس از آن صورت می‌گیرد که سه شهروند چینی در یک حمله مرزی از سمت افغانستان کشته شدند.
وزارت خارجه تاجیکستان روز گذشته اعلام کرد که این حمله شب گذشته در واحد مرزی «یال» در ناحیه شمس‌الدین شاهین ولایت ختلان رخ داده است. قربانیان، کارمندان یک شرکت محلی در جنوب تاجیکستان بوده‌اند.
سفارت چین در کابل نیز در اطلاعیه امروز خود تأکید کرده است که شهروندان چینی فعال در مناطق پرخطر باید در صورت مواجهه با تهدید، فوراً با نیروهای محلی تماس بگیرند و بدون تأخیر از طریق سفارت درخواست کمک کنند.
در همین حال حکومت سرپرست افغانستان نیز این حمله را نکوهش کرده است.