منابع محلی در ولایت دایکندی تأیید کرده‌اند که شش کارگر افغان، از جمله پنج تن از باشندگان دایکندی و یک تن از ولایت غور، در پی انفجار در معدن زغال‌سنگ ولایت سغد تاجیکستان جان باخته‌اند.
این رویداد بعد از چاشت روز یک‌شنبه، ۱۲ عقرب، در ناحیه‌ی عینی ولایت سغد رخ داده است.
به گفته‌ی منابع، در زمان انفجار شش کارگر در تونل مشغول کار بودند که همه جان خود را از دست داده‌اند و تاکنون اجساد آنان از تونل بیرون کشیده نشده است.
هویت قربانیان هنوز به‌طور رسمی مشخص نشده است.
این درحالیست که شماری زیادی از شهروندان کشور در کشورهای همسایه مصروف کارهای شاقه اند.
خبرگزاری شهروند