رسانه‌های قزاقستان گزارش داده‌اند که این کشور از آغاز سال جاری میلادی تاکنون ۴۷۲ میلیون دالر کمکهای بشردوستانه به افغانستان انجام داده است.
خبرگزاری کازینفورم قزاقستان روز دوشنبه، چهارم جدی با نشر گزارشی گفته که این کمکهای بشردوستانه شامل کمکهای غذایی و غیرغذایی می شود.
بر اساس گزارش قزاقستان در سال جاری میلادی به کشور‌های تاجیکستان و افغانستان کمک کرده که بیشتر آن به افغانستان صورت گرفته است.
قزاقستان این خبر را در حالی اعلام کرد که آژانس‌ها و نهادهای کمک‌رسانی بین‌المللی بار دیگر نسبت به وضعیت تهدیدآمیز گرسنگی و فقر در افغانستان پس از پایان سال ۲۰۲۳ ابراز نگرانی کرده‌اند.