د ایران بهرنیو چارو وزارت ویاند سعید خطیب‌زاده په خبره، د نړیوالو کنوانسیونونو له مخې په افغانستان کې نوی حکومت او سیاسي نظام باید په رسمیت وپېژندل شي، څو د نویو استازو لېږلو ته لار هواره شي.
نوموړي په دې اړه نور مالومات نه‌دي ورکړي.
د یادونې ده چې تر دې وړاندې روسیې په مسکو کې د افغانستان سفارت ته د طالبانو له‌خوا استول شوی ډيپلومات ومانه.
چین او پاکستان هم تر دې وړاندې د طالبانو استازي منلي وو.
ښاغلي خطیب‌زاده په کابل او هرات کې د ایران سفارت او کونسلګرۍ مخ ته د لاریون په اړه وویل، چې ایران لا هم د هرات کونسلګرۍ مخې ته د اور اچوونکو د پېژندلو په تمه دی.